नुकत्याच जपानमध्ये पार पडलेल्या पाचव्या 'आशियाई पॅरा गेम्स (Asian Para Games)' २०२६ मध्ये चीन पदकतालिकेत अव्वल तर भारत ११४ पदकांसह चौथ्या क्रमांकावर विराजमान झाला आहे.
ठळक मुद्दे:
- 'आयची-नागोया (Aichi–Nagoya) २०२६' म्हणून अधिकृतपणे ओळखले जाणारे पाचवे आशियाई पॅरा गेम्स २०२६ जपानमधील आयची प्रीफेक्चर आणि नागोया येथे पार पडले आहेत.
- त्यांचे आयोजन १८ ते २४ ऑक्टोबर २०२६ दरम्यान करण्यात आले होते.
- सदर स्पर्धेत भारताने ३० सुवर्ण, ३५ रौप्य आणि ४९ कांस्य अशी एकूण ११४ पदके जिंकून पदकतालिकेत चौथे स्थान पटकावले आहे.
पदकप्राप्त अव्वल देशांची क्रमवारी:
- १. चीन - ४३५ पदके (२०७ सुवर्ण, ११७ रौप्य, १११ कांस्य)
- २. जपान - १८६ पदके (६४ सुवर्ण, ६० रौप्य, ६२ कांस्य)
- ३. उझबेकिस्तान - १४५ पदके (४५ सुवर्ण, ४९ रौप्य, ५१ कांस्य)
- ४. भारत - ११४ पदके (३० सुवर्ण, ३५ रौप्य आणि ४९ कांस्य)
आशियाई पॅरा गेम्स २०२६ बाबत महत्वपूर्ण माहिती:
स्पर्धेचे आयोजक:
- यजमान देशाच्या आयोजन समितीच्या समन्वयाने 'आशियाई पॅरालिम्पिक कमिटी (Asian Paralympic Committee)' आशियाई पॅरा गेम्सचे आयोजन करते.
शुभंकर (Mascot):
- 'उझुमिन' (Uzumin) = 'उझु' (भंवर/whirlpool) + 'इझुमी' (झरा/spring)
- हा शुभांकर म्हणजे आयची-नागोया येथे एकत्र येण्याचा खेळाडूंचा उत्साह तसेच त्यातून निर्माण होणाऱ्या भावना संपूर्ण आशिया खंडात पसरण्याचे प्रतीक आहे.
स्पर्धेचे घोषवाक्य (Motto):
- बोधचिन्हासोबतच 'इमॅजिन वन हार्ट' (Imagine One Heart - एक हृदय कल्पिणे) हे या स्पर्धेचे घोषवाक्य जाहीर करण्यात आले आहे.
भारतीय पथक:
- भारताच्या एकूण १६८ खेळाडूंनी (११२ पुरुष आणि ५६ महिला) ११ क्रीडा प्रकारांत सहभाग घेतला होता.
भारताची उल्लेखनीय कामगिरी:
- सदर स्पर्धेत भारताने आपली आतापर्यंतची सर्वोत्तम कामगिरी नोंदवली आहे.
- २०२३ मध्ये हांगझू, चीन आशियाई पॅरा गेम्समध्ये भारताने १०८ पदके (२७ सुवर्ण, ३२ रौप्य आणि ४९ कांस्य) जिंकून ६ वे स्थान मिळवले होते.
ध्वज हस्तांतरण सोहळा:
- अधिकृतपणे सहाव्या आशियाई पॅरा गेम्स २०३० चे यजमान शहर असणाऱ्या दोहा, कतारकडे आशियाई पॅरालिम्पिक कमिटीचा ध्वज सोपवण्यात आला आहे.